والله ندمة ..... مع الاسف

والله ندمة
مات جوا الكاع حبنا من عكب ما جان نجمة
احنا سبحة واطشر خرزها مانرد هيهات لمة
دنيا جذابة ووكيحة وهالوكت ماعنده ذمة
وانا حزني جان جاهل ومن هجركم صار زلمة
بيه وصلت انسى اسمي ومانست بيوم اسمه
وروحي بيني وبينه صارت لاهي يمي لاهي يمه
شما اريد الزمها عنك روحي ماتنطيني لزمة
لو سمعت اجدام مرت كلبي فرفح كال جدمه
حسبت يذكر محبتي وبالبواجي عيونة تعمى
ومن ينام بغير حضني يصير تابوت على جسمه
بطلت عينك بواجي ورضت بشفافك البسمة
وكلي يانوم اللي انامه وكلي ياحلم اللي احلمه
كافي انساهم يا كلبي ذوله موش وجوه نعمة
تكتب بدمك رسايل للي مايسوون كلمه ؟؟؟