شعر عن العراق .......الحبيب

خلي راسك على صدري واسمع نبض كلبي وضمني الك انا مشتاق
خلي راسك على صدري ميت عليك محتاج اشم ريحة ترابك ياعراق
اخاف اموت وانا بديار الغرب ,و روحي راح تذوب من نار الفراق
لاتصبرني يخوي الصبر مر ولايطاق
وين الكه عراقي اصرخ بعالي الصوت ..اموت عليك ياعراق
واريد اخلي راسي على صدرك وشيل عنه الهموم
واريد بيدك تمسح عن عيني الدموع
اريد كلبك ياعراق ياخذني ويوديني لبحر مابيه هموم
بحر مابيه شخص مظلوم...حطني بعيونك ...وخليني بوسط الجفون
اريد صدرك الجبير ياعراق يتحملني دوم..
اريد تشبك ايدي وتاخذني للكراده ..على ابو نواس..وتبعدني عن العيون
اريد اسمع صوتج يابغداد يدفيني اريد اكعد على دجله بليله كمره اغنيلها وتضويلي
اريد اشوف السما والنجوم ماريد اشوف واحد يلوم ويجي على ضيمه يحاجيني
اريد اشد كلبي بكلب حبيبي ونفتر بالكرخ وبالرصافه اواسيه ويواسيني
الوكت غدار يبغداد اخذج مني وداني للغربه لعالم مجهول
قسى على كلبي وانا بعدني بعز السباب شارد احجي وشاكول
بعدني عن اعز احبابي ..اصحابي.. ابويه ..اخوتي.. امي اللي هي ضوه العيون
شاحجيلج يايمه .. والله وحشه الايام من دونج
النظر اللي دا اشوف بيه انا ماخذه من عيونج
اتذكرج يايمه وانت تفرشين الكاع واحنه لمتنا ماجانت تسوه شي من دونج
ماعرفت يايمه الزمن ياخذج مني وعني يبعدونج
مشتاك يايمه لرمشج يغطيني ومانام الليل اذا ماشوف صورتج تدريني
الناس بطرانه دكلي شبيك اشو انت باستراليا مايدرون عنج يايمه باعديني
مو سهل فراكج راح اتخبل بالغربه يايمه وانا بعيد عن العراق ومنه حارميني .
اريد اجيج يايمه بس ماكدر الوكت مو وكت جيه
كل واحد ينبش لروحه وماكو واحد تكعد على فيه
اريد اجيج واخلى راسي على صدرج يايمه مشتاك حيل للحنيه
مشتاك امشي على ابو نواس بالليل واسمع ام كلثوم تغني هذه ليلتي
وكاظم الساهر يدك جوبيه

عاشت ايدك عمو على الكلمات الحلوة

وسفه العراق انباع ابهلسهولة***المن نعاتب بيه شنهو النگولة

عدد المساهمات : 665 تاريخ التسجيل : 24/06/2009

عاش قلمكـــم المتألق !
مزيدا من التألق ننتظـــر منكــــم .
تســــــلموووو ...

ياااااااااااااااااا

» واقع العراق بكلمات ....
» جرح الحبيب
» بنت العراق
» ايهما اصعب خيانة الحبيب ام خيانة الصديق
» صور من داخل العراق