يا اسف جيت ارتجي

يا اسف جيت ارتجي وبلا اسف رديت
وكدام كل الناس جيت الحبيبي مشيت
ونزلت راسي خجل وبفشلتي اتوجيت
والدمع ينزل جمر وجوة الرمش حنيت
مو نذل اني ترة بس للنذل وصيت
كل الكلام الوصل عني ترة مدريت
رديت كل الجرى وعن البعد صديت
ونسيت كل الحزن وتشوفني هالجيت
لو درى قلبك ترة بالعذر والله ما وديت
طارش يخبر الناس بحبي الك وحجيت
وكلت انا والله احبج ترة وبحسرتي اتساويت
زعلانة مني قهر ومن الدمع حسيت
يا خبر هذا الوصلج هدم زواج وبيت
هذا الحلم ما كمل وبنص الحلم ظليت
ظليت ارد اوصلك وبين الدموع مشيت
والله ارد اشتكي واغسل همومي ريت
هزيت كل العدا بس بالعذول انا اتهزيت
لا تعذرين الخبر ومن الخبر فد بيت
اكتفي بوصفي الامر ومن الامر عانيت
والله مغدور الظهر ومن الظهر صليت
وادعيت اكونن الج وللغير ما صديت
واجاني وكت العصر وبدمعتي اتغديت
هذا اني واكف ترة وبالشين عني دريت
واختم كلامي بهمس امسح دموعك جيت

هذا اني واكف ترة وبالشين عني دريت
واختم كلامي بهمس امسح دموعك جيت

***************

عاشت الايادي عموني (وهاي تكمله للتوقيع مالتج )

عراقي وأفتخر واذا ميعجبك أنتحر