فـــيــروزيـــــات ...

اليوم جبتلكم كلمات اغاني تذكركم بأيام المدرسة وكعدة الصبح

بكتب إسمك يا حبيبي
بكتب اسمك يا حبيبي عالحور العتيق
تكتب اسمي يا حبيبي عرمل الطريق
بكرا بتشتي الدنيي عالقصص المجرحه
بيبقى اسمك يا حبيبي و اسمي بينمحى
بحكي عنك يا حبيبي لأهالي الحي
بتحكي عني يا حبيبي لنبعة المي
و لما بيدور السهر تحت قناديل المسا
بيحكوا عنا يا حبيبي و أنا بانتسى
و هديتني وردة فرجيتا لصحابي
خبيتا بكتابي زرعتا عالمخده
هديتك مزهرية لا كنت تداريها
و لا تعتني فيها تاضاعت الهدية
و بتقلي بتحبني ما بتعرف قديش
ما زالك بتحبني ليش دخلك ليش

يا قلبي لا تتعب قلبك

يا قلبي لا تتعب قلبك و بحبك على طول بحبك
بتروح كتير بتغيب كتير و بترجع عادراج بعلبك .. يا قلبي لا تتعب قلبك
ماشي و القمر ماشي تبعت مراسيل
يا قلبي المتل فراشي حول القناديل
لا بتعرف وهج النار و لا بتكفي المشوار
و ملبك بالحب ملبك و تروح و ترجع عابعلبك
أنا مين اللي صحاني من عز النوم
و صوب عيونك وداني من أول يوم
أنا مين و إنتا مين يا نحنا المنسيين
و دربي بعدني عن دربك أه و إندهلك يا حبيبي بحبك

انا عندي حنين
أنا عندي حنين ما بعرف لمين

ليليي بيخطفني من بين السهرانين

بيصير يمشيني لبعيد يوديني

تا أعرف لمين و ما بعرف لمين

عديت الأسامي و محيت الأسامي

و نامي يا عينيي إذا راح فيكي تنامي

و بعدو هالحنين من خلف الحنين

الحنين بالدمع يغرقني و بأسامي المنسيين

تا أعرف لمين و ما بعرف لمين

أنا خوفي يا حبي لتكون بعدك حبي

و متهيألي نسيتك و أنتا مخبى بقلبي

و بتودي الحنين ليليي الحنين

يشلحني بالمنفى بعيونك الحلوين

تا أعرف لمين و ما بعرف لمين

كلمات نسم علينا الهوا

نسم علينا الهوا من مفرق الوادي
يا هوا دخل الهوا خدني على بلادي
يا هوا يا هوا يللي طاير بالهوا
في منتورة طاقة و صورة خدني لعندن يا هوا
فزعانة يا قلبي أكبر بهالغربة ما تعرفني بلادي
خدني خدني خدني على بلادي
شو بنا شو بنا يا حبيبي شو بنا؟
كنت و كنا تضلو عنا و افترقنا شو بنا
و بعدا الشمس بتبكي عالباب و ما تحكي يحكي هوا بلادي
خدني خدني خدني على بلادي

ياعاقد الحاجبين
يا عاقد الحاجبين على الجبين اللّجين

إن كنت تقصد قتلي قتلتني مرّتين

تمر قفز غزال بين الرّصيف و بيني

و ما نصبت شباكي ولا أذنت لعيني

تبدو كأن لا تراني و ملئ عينك عيني

و مثل فعلك فعلي ويلي من الأحمقين

مولاي لم تبق مني حيّاً سوى رمقين

أخاف تدعو القوافي عليك بالمشرقين

طيري يا طيارة

فيروز

طيري يا طيارة طيري

ياورق وخيطان

بدي ارجع بنت صغيرة على سطح الجيران
وينساني الزمان على سطح الجيران
علّي فوق سطوح بعاد ع النسمة الخجولة

اخدوني معون الولاد ردولي الطفولة
ضحكات الصبيان وغناني زمان

ردتلي كتبي ومدرستي والعمر اللي كان
وينساني الزمان على سطح الجيران

لو فينا نهرب ونطير مع هالورق الطاير

تـ نكبر بعد بكير
شو صاير شو صاير
ويا زهر الرمان ميل بهالبستان
تـ يتسلّوا صغار الأرض ويِحْلَوّ الزمان
وينساني الزمان على سطح الجيران

حبيتك بالصيف
فيروز

بايام البرد وايام الشتي
والرصيف بحيرة والشارع غريق
تيجي هاك البنت من بيتا العتيق
ويقللا انطريني وتنطر عالطريق
ويروح وينساها وتدبل بالشتي

حبيتك بالصيف
حبيتك بالشتي
نطرتك بالصيف
نطرتك بالشتي

وعيونك الصيف وعيوني الشتي
وملقانا يا حبيبي خلف الصيف وخلف الشتي

مرقت الغريبة عطيتني رسالة
كتبها حبيبي بالدمع الحزين
فتحت الرسالة حروفا ضايعين
ومرقت ايام وغربتنا سنين

وحروف الرسالة محيها الشتي

علّموني

فيروز

علموني هنّي علموني
على حبك فتحولي عيوني
والتقينا وانحكي علينا
علموني حبك ولاموني

ع ايام الورد قلبي دايب
كيف كنا وكان العمر طايب
شو جرى شو غيّر الحبايب
مرقوا عبابي وما حاكوني

علموني هنّي علموني
على حبك فتحولي عيوني
والتقينا وانحكي علينا
علموني حبك ولاموني

يا عصفور الشوك اهلك داروا
بهالسما ومابعرف وين صاروا
دلوني ع درب الحب وطاروا
وعلى درب الصبر ما دلوني

انا لحبيبي وحبيبي الي
فيروز

أنا لحبيبي و حبيبي إلي
يا عصفورة بيضا لا بقى تسألي
لا يعتب حدا ولا يزعل حدا
أنا لحبيبي وحبيبي إلي
حبيبي ندهلي قلي الشتي راح
رجعت اليمامة زهر التفاح
وأنا على بابي الندي والصباح
وبعيونك ربيعي نور وحلي
وندهلي حبيبي جيت بلا سؤال
من نومي سرقني من راحة البال
أنا على دربو ودربو عالجمال
يا شمس المحبة حكايتنا أغزلي

طريق النحل
فيروز

انت وانا ياما نبقى
نوقف على حدود السهل
وعلى خط السما الزرقا
مرسومي طريق النحل

انا ومتكيه ع بابي مرقت نحلي بكير
غلت بزهور الغابي وصارت تعمل مشوير

وتعن العنين حزين ومش حزين
وبسكوت الظهريه مكسر الحنين

اذا رح تهجرني حبيبي ورح تنساني يا حبيبي
ضل اتذكرني واتذكر طريق النحل

طريق النحل الطاير فوق الضو المكسور
بصير يرسم دواير يكتب عل الهوا سطور

من فوق القصور اعلى من القصور
اعلى من قبب العالي عم يكتب سطور

اذا رح تهجرني حبيبي ورح تنساني يا حبيبي
ضل اتذكرني واتذكر طريق النحل

راجعين ياهوى

فيروز

يازهرة المساكين
راجعين يا هوى..على دار الهوى..
على نار الهوى..راجعين

منودع زمان منروح لزمان
بينسانا على ارض النسيان
منقول رايحين
منكون راجعين
على دار الحب
و مش عارفين

راجعين يا هوى..على دار الهوى
على نار الهوى..راجعين

مغرور يا هوى..يا هوى مغرور
يا حبيبي يا وردة على سور..
نحنا العاشقين..علطول عاشقين
و انتو بليالينا عايشين

الله معك يا هوانا

فيروز

الله معك يا هوانا يا مفارقنا
حكم الهوى يا هوانا و اتفارقنا
ويا اهل السهر يللي نطرونا
بكرة اذا
ذكروا العشاق
ضلوا اتذكرونا اتذكرونا
اتذكرونا اتذكرونا
ضلو اتذكرونا

نبقى سوى وصوتك بالليل
يقلي وانا عم اسمع
بحبك حتى نجوم الليل
نجمة ونجمة توقع

وخلص الحب
وسكتت الكلمة
واتسكر القلب
وما وقع ولا نجمة

ماتاري الكلام بيضلوا كلام
وكل شي بيخلص حتى الاحلام
والايام بتمحي ايام

سألوني الناس
فيروز

سألوني الناس عنك يا حبيبي
كتبوا المكاتيب وأخدها الهوا
بيعز عليي غني يا حبيبي
ولأول مرة ما منكون سوا
سألوني الناس عنك سألوني
قلتلن راجع أوعى تلوموني
غمضت عيوني خوفي للناس
يشوفوك مخبى بعيوني
وهب الهوى وما كان الهوى
لأول مرة ما منكون سوا
طل من الليل قلي ضويلي
لاقاني الليل وطفى قناديلي
ولا تسأليني كيف استهديت
كان قلبي لعندك دليلي
واللي اكتوى بالشوق اكتوى
لأول مرة ما منكون سوا

يا طير

فيروز

ياطير يا طاير على طراف الدني
لو فيك تحكي للحبابيب شوبني

يا طير يا طير
روح اسألون عللي وليفه مش معه
ومجروح بجروح الهوى شو بينفعه
موجوع ما بيقول عللي بيوجعه
وتعنّ عباله ليالي الولدنة
ياطير

يا طير وآخد معك لون الشجر
ماعاد في الا هالنطرة والضجر
بنطر بعين الشمس ع برد الحجر
ملبكة وايد الفراق تهدني
ياطير
وحياة ريشاتك وايامي سوى
وحياة زهر الشوك وهبوب الهوى
ان كنك لعندون رايح وجنّ الهوى
خدني لن شي دقيقة وردني
ياطير

يا مرسال المراسيل

فيروز

يا مرسال المراسيل ع الضيعة القريبة

خدلي بدربك هالمنديل واعطيه لحبيبي
ع الداير طرّزتوا شوي إيدي والإسوارة
حيّكتلّوا اسمه عليه بخيطان السنارة
بخيطان زرق وحمر
وغناني الصبيان السمر
كتبتلوا قصة عمر
بدموعي الكتيبة
خدلي بدربك هالمنديل واعطيه لحبيبي
يا مرسال المراسيل ع الضيعة القريبة
خدلي بدربك هالمنديل
بيتو بآخر البيوت قدامو علّيّه
بتوصل ع البيت وبتفوت وبتسلم الهدية
ولو عنا قال وكتر
قلوا خليه يتذكر ع هالمنديل الأصفر أبعلتو مكاتيبي
يا مرسال المراسيل ع الضيعة القريبة
خدلي بدربك هالمنديل واعطيه لحبيبي
بتجبلي منو تذكار شي ورقة وشي صورة
ع الورقة يكتب أشعار وأسمو على الصورة
لما بتبكي المواويل
يسأل عن اهل المنديل
يا مرسال المراسيل سلّم ع حبيبي
خدلي بدربك هالمنديل واعطيه لحبيبي

تك تك تك يمّ سليمان

فيروز

تك تك تك يمّ سليمان

تك تك تك جوزك وين كان

تك تك تك كان بالحقلة

عم يقطف خوخ ورمان

يا ستي يا ست بدور

شوفي القمر كيف بيدور

والناطورة بدا شمس

والشمس بعقد المرجان

عمي يا عم الحطاب

خلينا نلعب عالباب

والجارة بدا قمحة

والقمحة عند الطحان

يا جدي يا جد التلج

لحيتك غطت عالمرج

والهوا بدو خيمة

والخيمة بدا خيطان

وينني الجمال يحني بالقنطرة

شو طعميناهون قمح ودرة

شو سقاينهون ميي معطرة

يا عمي الغراب جوزني بنتك ..
-----------
تحيااتي

عدد المساهمات : 52 تاريخ التسجيل : 15/11/2009

تسلم ايدك لبي على هل مجموعة من الكلمات ذوقك حلو بالاختيار اختاريت احلى الاغاني