اتحدى اي واحد يكول سامعة لو مو حلو .....

بديل الها الكمر لوشمسي ساعة تغيب
بس انت إن غبت ياهو بديلك؟!
يبو طول الحلو بوصفك تعبت الناس
من شيل الحسن لك ما تعب حيلك؟!
بقالب هالبشر الله حط عيون
وانت بقالبك بدرين منطيلك
اذا دمعك نزل بسرعة شك الليل
من ثوبه جزء سواه منديلك
واذا يطفى الضوة ويصعب عليك الشوف
الكمر ينزل الك ويصير قنديلك
ولو تمشي احسّك انت واكف بس
هي الكاع من جواك تمشيلك
واذا مرة احزنت من يمة يبجي الليل
ومثل جري الدموع نجومة تجريلك
يبخت امك حبيبي وبخت اهلك بيك
وبخت كلمن كعد لحظة مقابيلك
الفرات ودجلة صارو بس الك يجرون

واسد بابل تحرك كام يغنيلك