nasir yako WebMaster
عدد المساهمات : 198 تاريخ التسجيل : 11/04/2009
| موضوع: ارجع ياحبيبي وكافي البعاد.... الجمعة مايو 01, 2009 8:18 pm | |
| ارجع ياحبيبي
ارجع ياحبيبي وكافي من البعاد...وشوف شسوت وياي الليالي
انه صدري اشتعل من كثر الفراگ...تعال الحگ عليه وشوف حالي
السهر والنوح صارو ليه عنوان...حنين البصدر زاد اشتعالي
اسال يمته ترجع يامنى الروح...بس لشوفتك صار انشغالي
اسال مره عنك وابچي مرات...اصبر دمعي بس دمعي البچالي
انه اشتاگيت اشوفك واحچي وياك...تمَسح دموعي واطفي انفعالي
ماملت حياتك طول الفراگ...كافي من الهجر وارجع يغالي
اذا زعلان خل نتصالح اليوم...يامحبوبي لا ترفض سؤالي
عذبني البعد عنك والجروح...حرت ياجرح أول ياهو تالي
أعد حروفك وأسرح بالافكار...آني أدريك مزروع بخيالي
أصبر گلبي واشكيله من الهموم...آني الگلبي من هجرك شكالي
صرت بغيبتك مااميز الناس...مو مجنون بس مدري شچرالي
انه بشوگي مثل ناعور للماي...يكسر الموج بس يملي الدوالي
انه بدونك سفينه بنص الاعصار...ضيعني لان دار انتقالي
سجين بلا ذنب واتامل افراج...بس بجيتك يلغى اعتقالي
ارجع يلمكانك وسط العيون...مكانك مااريده يصير خالي
أتحمل عذاب وياك واحزان...اموت ولاتحب واحد بدالي
[/size] | |
|
عماد مروكي مشرف منتدى همسات وخواطر الشباب
عدد المساهمات : 737 تاريخ التسجيل : 14/04/2009 العمر : 56 الموقع : سوريا
| موضوع: رد: ارجع ياحبيبي وكافي البعاد.... الأربعاء مايو 06, 2009 12:48 am | |
| كلش حلوة والله
وأللك مني هذا البيت
كل جرح بيه يطيب واكدر على ادواه **** لكن جرح فراكك محتار أنا وياه
| |
|
دمعة عراقية
عدد المساهمات : 22 تاريخ التسجيل : 16/05/2009
| موضوع: رد: ارجع ياحبيبي وكافي البعاد.... السبت مايو 16, 2009 6:43 am | |
| عاشت ايدك خالو كلش حلو مشكور | |
|
Marwa Yakoo مشرفة منتدى الشعر
عدد المساهمات : 502 تاريخ التسجيل : 22/04/2009 العمر : 38 الموقع : Canada
| موضوع: رد: ارجع ياحبيبي وكافي البعاد.... الخميس مايو 28, 2009 2:22 am | |
| انه بدونك سفينه بنص الاعصار...ضيعني لان دار انتقالي
WOW Very Nice !! | |
|