عماد مروكي مشرف منتدى همسات وخواطر الشباب
عدد المساهمات : 737 تاريخ التسجيل : 14/04/2009 العمر : 56 الموقع : سوريا
| موضوع: حوار دارمي بين حبيب وحبيبته السبت مايو 02, 2009 1:46 am | |
| ((حوار دارمي بين حبيب وحبيبته))
شلونک يبعد الروح والناس کلهه ..... روحي شتهت ملگاک حاير شگلهه
يلتسئل عل الحال اسمع لگلک .... حال اليتيم تهون عن حال خلک
شنهو الذي ماذيک يابعد روحي .... لتگلي مامرتاح تزود جروحي
وشلون اگلک زين وکاتلني فرگاک ... عگبک الحال البي مايعجب عداک
سولف وگول شبيک وهمک احمله .... لو چان والله جبال چاشلته کله
تاذيني کلهه الناس يدروني احبک .... وکل هاذه مهتميت بس کاتلني بعدک
صبري يبعد چلاي ويابعد ناسي ... اقبل حچي الگلتي وکله عله راسي
چايمته گلي تعود وتسکن الهم .... تدري عله فرگاک عيوني جرت دم
الله کريم تهون وجاي انه يمچ .... وغصبن عله اليحچون بگلبي ارد اضمچ
اهلا وسهلا بيک ياماي العيون ... نلتقي انه وياک وکل اليحبون
ان شاء لله نلتقي وبحضني اضمچ .... وانعل ابو اليحچون مني ومنچ
ريحت گلبي هواي بهاي الچلمتين ... لفرشلک الدلال وسحگ عله العين
الله يديم الحب ويخلي الاحباب ... هاذه شعار نريد يندگ على الباب
منقول
| |
|
Marwa Yakoo مشرفة منتدى الشعر
عدد المساهمات : 502 تاريخ التسجيل : 22/04/2009 العمر : 38 الموقع : Canada
| موضوع: رد: حوار دارمي بين حبيب وحبيبته السبت مايو 02, 2009 3:18 am | |
| كلش حلو عموني
هذه محاورة بالدارمي بين ابن اراد السفر ووالده الذي بدء الابن يوصيه بالحبيبة الابن موبيدي اعوف اهواي وارحل واخليه *** ياهو اليرد الظيم عنه ويسليه الاب ياهو اليسلي اهواك كل هذا همك *** ماحسبت شيصير بالوالدة امك الابن شنهو امي شنهو الناس شنهو الكرايب ***فركة حبيب الروح هي المصايب الاب حملتك تسع شهور وانت ابطنها*** وماخلتك بالكاع دوم بحظنها الابن حملتني تسع شهور شنهو استفاديت *** وانه وحبيب الروح كل واحد ابيت
منقول
| |
|
عماد مروكي مشرف منتدى همسات وخواطر الشباب
عدد المساهمات : 737 تاريخ التسجيل : 14/04/2009 العمر : 56 الموقع : سوريا
| |