اريد اعلن حداد وللعشك ماعود.....

اريد اعلن حداد وللعشك ماعود
واريد انساك ونسة البينك وبيني

وشك دفتر غرامك خاطر انة انساك
ودير الوجه عنك من تلاكيني

ماريدك بعد لو انت روحي اتصير
و ماريدك لون من موت تحييني

ملح بعيوني احطن ونسة حتى النوم
اخافن بالمنام طيوفك تجييني

اذا شافتك عيني وفرحت بملكاك
والله اتبره منهه وهاي موعيني

واذا صافحك جفي بحجة الخملان
اكص اثنين اديه يساري ويميني

واذا كالولي حبك يسري بالشريان
ثق بالله اكطع كل شراييني

واذا صاير شمس انه ابقه دوم بليل
وماريد الضوة وبلظلمه خليني

تذكرمن لكيتك والعطش واليك
وكلتلي امعود اترجاك روييني

عصرت اجفون عيني و وشلييت دموع
وشربتك بديه وانت تدرييني

ومن مرني العطش صرت انت جربة ماي
كصدتك معتني ومديت جفيني

وانتة بكل وكاحة وكل صلافة عين
درت بجفوفي سم وردت تنهيني

تذب نفطك عليه وانه بيه النار
وتتحمه اعله ناري و ماتطفيني

وصرت محبس بديك وكمت بيه تسوم
ساعة تبيع بيه وساعة تشريني

الله الله الله عشت ابو نشوان

حلوة منك ابو نشوان

وهذه مني الك

لاتلوم اليريدك لو قسى مره وياك **** عاتبة وافهم شعوره وداوي جروحة بيديك

» ياعيبو - ديانا حداد بس استحي على شيبتك
» صلاة للعذراء مريم
» اريد تعليق وخاصة على اخر صورة
» اريد اكتب قصيده كون انت تسمعها.....