nasiryako Admin
عدد المساهمات : 874 تاريخ التسجيل : 01/05/2009
| موضوع: العراقيه....العراقيه ...العراقيه...... الجمعة مايو 29, 2009 8:35 pm | |
| اه منج ومن حبج يالعراقية واه من الزمن خلاني واخذني بسرعة الحمية كلب مجروح والدم يغلي بية كل يوم ينزف ويعاني ويتفجر مثل الشظية شاوصفلكم عن حسن و صفات العراقيه جنها حوريه... شعرها الكستنائي السرح عبالك مهره عمرها سنه اصيله اشوريه عيونها عيون الغزلان وخدودها احلى من كيمر الحلاويه خشمها تمر خستاوي يشبه بحلاوته تمراللي يكون بيد االبصراويه لون بشرتها بياض على سمار يشبه جبن اربيل بيد الكرديـــــــــه سنونها جنهم لولو و مرجان ومحفوظ بجبال السليمانيه طولها طول الخيزران جنها ناكه وياوجه الكمر بنوره مضويه حبج خلاني اتيه ادور ببلاد العالم وما دا اشوف مثلج يالعراقيه حبها خلاني اسهر طول الليل وعيوني بس تنتظر جيتها الشيوزيه بعزة نفس بغدادية بطيب وكرم شماليه بشهامة وغيرة طبع موصليه ولو مر اسم دهوك مدري شيصير بيه عراقية محتاج لحنانها مثل الطفل تضمني ومن تبوسني هاي احلى هديه يابنت بغداد مادري شكول عليج انت الروح والرية.. عفت بغداد وكراج امانه والكراده والعامريه اجيتي وسكنت بالغرب وبحبج صرت معذب, تايه,واخذوني للشماعيه يا بنت بغداد جنت احس بيج وتحسين بية وادري بروحج شلون لخاطري جانت مجوية كسروا اجناحج ادري بس ظلت قامتج وعيونج الخضره لي ومتفارك خيالي دوم وراح تبقين انت الشامخة الابية لا..ابد والله مانساج ومتروحين من بالي واذا انت نسيتيني هاي اكبر خطيه كومي ياحبيبتي نعلمهم للعشاك التضحية شنهي هيه عراقية انا وياها نذرنا الروح للوطن هديه ونخلي حبنا يفوق حب قيس وليلى العامريه عراقية هي اللي خلت كل صفات الكرم بية وين ماتروح اتضل اخلاقها هيه هية عراقية كلدانيه اشورية سريانيه لو ارمنيه عراقيه وماكدر انساها وتبقى روحها بهيه عراقيه ودادور عليها بلكي صدفه تلتكي عيوني بعيونها البنيه واذا شفتها ابقى حاضنها حتى يرتاح كلبي واتذكر شمس العراق وفييه واظل شابك ايدي بايديها وعيوني بعيونها ابقيها صبح ومسيه حيرني امرها تيهت كلشي بيه....وشكد دادور مدا الكى مثل العراقيه ......................................................................
بقلمي .......ومن اوراق شجرة ذكرياتي | |
|
khaled yakoo
عدد المساهمات : 264 تاريخ التسجيل : 21/04/2009 العمر : 64 الموقع : Canada
| موضوع: رد: العراقيه....العراقيه ...العراقيه...... الجمعة مايو 29, 2009 8:58 pm | |
| عاشت ايدك وعاش قلمك عمي ابو نشوان
ان شاالله دوملك العراقية وانت تدوم الها | |
|
Marwa Yakoo مشرفة منتدى الشعر
عدد المساهمات : 502 تاريخ التسجيل : 22/04/2009 العمر : 38 الموقع : Canada
| موضوع: رد: العراقيه....العراقيه ...العراقيه...... الجمعة مايو 29, 2009 10:14 pm | |
| عاشت ايدك عمو على الكلام المعسول !!!
و اني افتخر بكوني عراقية
كومي ياحبيبتي نعلمهم للعشاك التضحية شنهي هيه عراقية انا وياها نذرنا الروح للوطن هديه | |
|
rafy
عدد المساهمات : 8 تاريخ التسجيل : 01/06/2009
| موضوع: رد: العراقيه....العراقيه ...العراقيه...... الثلاثاء يونيو 02, 2009 12:22 pm | |
| عشت خالو علي هاي روح عراقية واتنمى اتقدم اليك وكل اشعرك اخوك رافي | |
|
nasiryako Admin
عدد المساهمات : 874 تاريخ التسجيل : 01/05/2009
| موضوع: رد: العراقيه....العراقيه ...العراقيه...... الثلاثاء يونيو 02, 2009 12:35 pm | |
| شكرا حبيبي رافي الله يخليك ويحفظك...
شكرا ابو بيوار ومروه عالمرور الاحلى من العسل... | |
|