عراقي اصيل

موضوع: عراقي اصيل الجمعة يونيو 05, 2009 7:25 am

عراقي اصيل..!

مو كلمن كال اني عراقي...صار ...عراقي!

مو كلمن صاحوله انت عراقي صار عراقي..

مو كلمن... سكن ارضه..

ولا كلمن ...شرب مايه...

مو كلمن..بجنسيته ..حمل اسمه ..

ولا حتى من جد جد جده...

هذا الشرف مو كل واحد يحمله..

ومو كل من اجا يلوكله...

العراقي يا هلي وربعي..

اللي يحمل العراق بصدره..

بعقله... وبوجدانه..

اللي يحب كل واحد من اخوته..بيا مدينة ومن اي قرية جهته..

اليفرح لفرحه...ويركص بعرسه..

و اذا الضيم مسه.. الغم يمرده ..

اشلون اعرفه...

وشنهو وصفه...

تعرفه من فورة عواطفه..و من حنيته و محنته..

من يحب تكول هذا هو..

من يزعل نار كبرة زعلته..

والتصعد الغيرة عنده من تذكر امه ..واخته..

لو فر كل البلاد شرقها وغربها ..

مايصدك يمتى يرجع ويشتم حفنة من تربته..

صح يشوف جمال ..صح يضوك طيبات..

بس مو بجماله ولا بحلاوة خبزته..

اللكمة من ايد امه الحنون وخاشوكة من مركتهة

ماتعادلها اكلات اشهر مطاعم لندن.. و ايطاليا .. ولا حتى فرنسه والنمسا

اللي تدمع عيونه من الفرح لمن يفوزون اخوته

اللي مثل الاسد ينثار اذا بالشين جابوا بسيرته..

العراقي ..مو ابن البصرة

ولا اربيل والحلة

ولا ابن بغداد و الموصل الحدبا
ولا ابن فلوجة ورمادي

ولا ميسان والسدة
منين مايكون من ابسط قرية بيه لأقدس مدنها

العراقي اللي يجمع كل المدن بضميره وبذمته

تتساوى كلها بعينه وكلها راية وحدة

بخريطة وحدة

بمعزة وحدة

العراق عنده ما ينقسم ولا تتفرق وحدته

هذا العراقي الصدك ..

اللي يرفع راسه ليفوك.. لمن يجي طاريه

و كلما جابوا بسيرته....

هذا العراقي الزين...

هيبة و رفعة راس ...

وبين الجفن والعين نحط رسمه

و بنص كلوبنا نخط اسمه.

منقول لعيونكم الحلوة

موضوع: رد: عراقي اصيل السبت يونيو 06, 2009 3:33 am

مو كلمن كال اني عراقي...صار ...عراقي!

مو كلمن صاحوله انت عراقي صار عراقي..

عاشت أيدج يا أصيلة على هذه الكلمات الجميلة

عراقي اصيل MPV44991

عاشت ايدج مروة
بس احنا كلنا عراقيين ولو كل واحد منا ابديرة

موضوع: رد: عراقي اصيل السبت أغسطس 22, 2009 9:56 am

تسلمين على هذه الكلمات مروه

» موال عراقي حزين ورائع جداً بصوت طفل عراقي
» سوق الصفارين .. عبق ماضي اصيل وسمفونية مطارق تعزف (بحور الفراهيدي) في أقدم أسواق بغداد
» شعر عراقي
» عراقي
» شعر شعبي عراقي